Vinde ver ó neno, que está espidiño
E acurrucadiño ó pé do seu pai,
E máncano as pallas en que está deitado
E o noso pecado aínda o manca máis.
O meniño pequeniño, entre unhas pallas se ve,
Como o neno é tan pequeno aínda non se ten de pé
Ai, que neno, ai, que meniño, ai, que ganiñas me dan,
De comerlle a cara a bicos de gordo e branco que está.
Ai que neno, que meniño, que bonito e lindo está
Xa o corazón relouca, de contento que el está.
Repiquemos as campanas para festexalo ben,
E xoguemos noite e día, xunto o Portal de Belén.