A MIÑA ALMA GLORIFICA Ó SEU SEÑOR.
1. A miña alma glorifica ó seu Señor,
brinca de ledicia ante o Deus da salvación,
pois El puxo os seus ollos garimosos
na humildanza desta filla benquerida.
2. E desde agora chamaranme venturosa,
tódalas nacións hanme dar o parabén,
porque fixo en min marabillas
o que ten de todos nós misericordia.
3. El derrubou dos seu trono ós soberbios,
ergueu do chan ós humildes e ós pobres,
El encheu de fartura ós famentos
pero ós ricos mandounos baleiros.
4. El deulle a man ó seu pobo Israel,
pois ten entrañas de misericordia,
ó lembrarse da promesa que fixera
en favor de Abrahán e dos seu fillos.