Coro Parroquial de Esteiro

Aquí estou, Señor

AQUÍ ESTOU, SEÑOR PRA FACE-LA TÚA VONTADE.
VEÑO RENOVAR DIANTE DE TI A FIDELIDADE.

1. Póñome nos teus brazos, ti elo meu ben, Señor.
Presíntote moi preto como fonte de amor
E douche a miña vida, Dáme Ti a salvación.
Tómame a min coa miña historia, Señor.

2. Vou malgastando a vida en tantas cousas, quizás;
mais tan só unha delas se precisa para andar:
Escoita-la Palabra. Despóis rezarche así:
Tómame a min coa miña historia, Señor.

3. Fai que non me avergoñe de invocarte, Señor,
De dicirche confiado que Ti elo meu Deus
Quero manter na loita valente o corazón:
Tómame a min coa miña historia, Señor.

4. Recoñezo que, ás veces, contra Ti eu pequei,
sen cumpri-la Palabra deixei de serche fiel.
Non rexeites agora esta ofrenda de amor:
Tómame a min coa miña historia, Señor.

Empregamos cookies propias e de terceiros. Saber máis. - Pechar - .