OS BAUTIZADOS LEVAMOS UNHA BRANCA VESTIDURA
PARA DICIRMOS QUE SOMOS UNHA NOVA CRIATURA (bis)
1. Fomos salvados das augas
Fondas e negras do mar,
Fomos bañados nas nidias
augas do río Xordán
2. Fomos liberados da morte
E das gadoupas do mal
E trasladados ó reino
Da liberdade e da paz.
3. Sómo-la luz deste mundo,
Deus quere vela brillar:
Non é a luz para escondela
Nin para deixala apagar.
4. Sómo-lo sal desta terra,
Deus quere velo salgar:
Non é sal para guindalo
Nin para deixalo estragar.