Coro Parroquial de Esteiro

Canción de Advento e Nadal

LETRA PARA O ADVENTO

VEN, SEÑOR Á NOSA TERRA,
A TÚA CASA, O TEU LAR.
POLA NOITE VEN E ACENDE
O TEU LUME NO FOGAR.
FAI QUE EN NÓS PRENDA A ESPERANZA
QUE PRENDEU XA EN MARÍA
E SE CUMPRA ASÍ A PROMESA
QUE NOS TIÑAS PROMETIDA.

1. Ven, Señor, que estamos cansos
das miserias que nos pesan.
Ven que estamos sós, con ganas de Ti:
ven sentarnos á túa mesa.

2. Con María preparemos o camiño da esperanza
para que se achairen os montes e os vales
e sexan de paz as lanzas.

LETRA PARA O NADAL

DO NACENTE ATA O SOLPOR,
RELOUCANDO DE ALEGRÍA,
CELEBREMOS AO SEÑOR
PORQUE EL NOS ENCHE DE VIDA
POLA GRAZA QUE NOS DÁ
DAS ENTRAÑAS DE MARÍA
DE QUEN NACE XESUCRISTO,
A ESPERANZA XA CUMPRIDA.

1. Hoxe o corazón madruga para contemplar a gloria
en Deus feito neno que ven a salvarnos
vivindo na nosa historia.

2. Ao Neno XESÚS loemos que nos trouxo a todos nós
de Deus o agarimo, para o mundo a Luz
que alumea o corazón.

Empregamos cookies propias e de terceiros. Saber máis. - Pechar - .