AXUNTADOS Á TÚA MESA,
CO TEU PAN NAS NOSAS MANS,
OFRENDÁMOSCHE OS ANCEIOS
QUE TEMOS DE SER IRMÁNS
1. De berces moi diferentes,
ata Ti vimos, Señor,
pra que xunte as nosas vidas
a forza do teu amor.
2. Os pobres e os pequenos,
os que están en soidade,
poidan encontrar aquí,
colleitas de humanidade.
3. Quen xeme no esquecemento
e procura comprensión,
quen busca oídos que escoiten,
que os atope aquí, Señor.
4. Quen ve fuxi-la ledicia,
de sentir preto o amor,
quen non sabe de amizade,
sexa aquí feliz, Señor.