CANTÉMOSLLE TODOS A DEUS O ALELUIA,
POIS EL ASENTOU O SEU POBO NA VIDA,
GOBERNÁNDONOS A TODOS CON XUSTIZA E CON AMOR.
1. Cantémoslle ó señor un novo cantar;
cantémoslle xuntos os pobos da terra,
aclamemos con ledicia o seu poder.
Pregoemos decote as súas vitorias.
2. Que coñezan todos a forza do seu brazo,
e que chegue a súa gloria a tódalas nacións,
porque o señor é un Deus omnipotente,
e con ninguén pode ter comparación.
3. Vinde familias e razas do mundo.
Vinde aclama-lo Nome de Deus;
entrade nos adros do santuario
cargados coa ofrenda da vosa ilusión.
4. Alégrese o ceo e brinque a terra,
que tódolos mares brúen con forza,
que batan as árbores as súas palmas,
pois que nos vén goberna-lo noso Deus.