1. Os nomes de Deus son tantos
que non se poden contar:
Misterio Eterno e Amor,
Creador da terra e do mar,
Do mundo Rei e Señor,
dos pobos fonte de paz.
OS NOMES DE DEUS SON TANTOS
QUE NON SE PODEN CONTAR
O NOME QUE MÁIS LLE GUSTA
É QUE LLE CHAMEMOS ‘PAI’
2. Se a Deus eu lle chamo ‘Pai’,
os homes son meus irmáns;
non pode ser que no mundo
non nos deámo-las mans,
que tantas guerras existan,
que non sexamos iguais.
[REFRÁN]
3. Se Deus é o noso Pai,
non quere vernos sufrir
só quere que nos amemos
e que vivamos así:
servindo a quen máis precisa
e agarda para ser feliz.
[REFRÁN]
4. Se Deus é o noso Pai
e fixo as cousas tan belas,
El quere que as coidemos
e que miremos por elas,
que neste mundo vivamos
facendo un ceo na terra.