Coro Parroquial de Esteiro

Quixera ser coma ti

1. Quixera ser coma Ti, Xesús,
por fogar ter as estrelas,
anunciar a Boa Nova
nos pobos todos da terra.

Quixera ser coma Ti, Xesús,
amigo dos nenos pobres,
carpinteiro de artes novas
e sementador de flores.

IREI CONTIGO, SEÑOR,
ONDE QUEIRA QUE TI VAIAS,
ES O CAMIÑO DA VIDA
NO QUE ME SINTO FELIZ.

A TÚA PALABRA É A LUZ
QUE GUÍA ESTE CAMIÑAR.
É A VERDADE QUE CEIBA.
EU CREO EN TI.

2. Quixera ser coma Ti, Xesús,
garimoso cos pequenos,
pregoeiro de ledicias
e pescador entre os nenos.

Quixera ser coma Ti, Xesús,
luz que aluma nos vieiros
daqueles que andan perdidos
e se sinten forasteiros.

3. Quixera estar coma Ti, Xesús,
á beira dos marxinados
para lles dicir contigo:
“Sodes benaventurados”.

Quixera estar coma Ti, Xesús,
presente nos seus camiños
e mostrarlles quen Ti es,
compartindo o Pan e o Viño.

Empregamos cookies propias e de terceiros. Saber máis. - Pechar - .