Coro Parroquial de Esteiro

Renovados co seu poder

1. Es coma a herba verdecente no renacer primaveral,
que se converte en seco feno coas ardentías de verán.
Es coma a rosa perfumada que ó mesmo sol envexa dá
para no solpor se ver murcha e degolada contra o chan.

SÓ A GLORIA DO NOSO DEUS RENACE E PERDURA
E RENOVA CO SEU PODER TÓDALAS CREATURAS.
TÓDALAS CREATURAS SE RENOVAN CO SEU PODER.

2. Es coma a luz que abrolla leda, do manantía da mañá,
e se recolle esmorecente no lusco-fusco do serán.
Es coma o río rebuldeiro, polo cadoiro un fervellar,
e que no esteiro flúe lento a se mexer co alto mar.

3. Es coma a festa que escomeza, vidros e risos a escachar
para rematar lánguidamente entre faíscas de pesar.
Es coma o foguete da festa que o ceo escuro fai brillar
e, ó que estoura, se resolve en charamusca e fume van.

Empregamos cookies propias e de terceiros. Saber máis. - Pechar - .